jeudi 5 mai 2011

ملخص السياسة في تونس

كلامي مش بش يعجب برشة ناس ، و مش بش يعجبك انت ، يا اللي تقرى و تستنى بش تلقى حكاية في مخك مأكدة عندي. أما ، بكل صراحة و من طميم أعماق قلبي : يدكم .
السياسة في تونس واضحة ، من أيام المجاهد الأكبر (أكبر من شكون؟؟)، تتلخص في حكاية صغيرة : طحان قاعد على كرسي عندو برشة كلاب ، طحيحينات صغار ، يعضو أي واحد يقرب ، و بحذاه منيك ولا زوز ولا أكثر ، يقلو "والله كي تجي تشوف ، زيد أعطيني ناكل توة نقلك ، ولا تعرف كيفاش ، بكل وطنية أسمع كلامي" ... و بالطبيعة كلام المنيك ما تكون كان حاجة معفطة. زيدهم حارتين مخززين ، واحلين في بصة ، الواحد فيهم توريه صبعك يطيح ميت. و هاذوما أفشل م المنيكين ، مقتنعين اللي هوما أكبر فتقة صارت في علوم السياسة و المهفولوجيا ، لتوة مش فاهمين اللي عزرائيل خلاهم عايشين ، خاطر ماكلو الكبي و يحب يضحك شوية.
زيد عليهم الجماعة اللي يكرزو م الجيلات و م القراية ، اللي يصلي لربي و اللي يصلي لستالين، و كمشة زومبي ، تلامذة يتبعو ع العميتي أقوال المعلم الأكبر ، يحلفو اللي التخمام يا كافر يا تحريفي ، و اللي ما فماش حرية كان بالمسؤولية اللي فاهمينها كان هوما. كمل كعبات جران بالكوستوم و الكرافات ، ما حافظين م البلاد كان المصطبة متع المحاضرات.
و في وسطهم ، ملوحين هوني و غادي ، بزايد عباد قلوبها نظاف ، يفوتو ال 10 ملاين ، م البهيم للفتقة متع الذكاء ، ما يلمهم كان القلب الصافي ، و ما يفرقهم كان القلب الصافي. باسم البلاد ، و مصلحة البلاد يغلطو في بعضهم الصباح ، أما يقسمو الكابوسين لعشية و يطرشقو كعبات البيرة مع بعضهم و لا يصليو جماعة. هاذوما اللي لازم يكون بيدهم الحل و الربط متع البلاد ... كيفاش؟؟؟؟؟ ما نعرفش ، اسألو رواحكم

4 commentaires:

  1. klém mezzi metféhmin , ama mch wadha7 w mch mafhoum, kelma thézz w kelma tjib lyoum yssad9ou x demain nkadhbuh w ntab3ou Y ey wel 7all winou ?

    RépondreSupprimer
  2. el7all mte3ek bin ydik ... ma testanna 7all men 3and 7add

    RépondreSupprimer
  3. vive l'anarchie :D kén kol wé7éd mé ysalamch fi 7oréytou , 7ad mé ynéjm ya5ra fih

    RépondreSupprimer
  4. كلام صواب
    ما فما شي جديد كي تجي تشوف هكاكة القيامة قايمة و قاعدة
    أما نسيت جماعة الرفيق الأعلى الي تقولش عليهم يمثلوا في فيلم اكسيون
    Bref, article absolument magnifique !

    RépondreSupprimer