vendredi 31 décembre 2010

طريحة أخرى و تعدات

صاحبي قدامي كلا الخبط ، هابط عليه خيطين م السما ، بين 4 رجال و مسمين رواحهم رجال ، و احنا بحذاه محصورين ، كل واحد فينا يستنى في دورو وقتاش يجي. في بلادي و مانيش في بلادي. آش عمللكم وائل؟؟ على خاطرو يمشي في الشارع؟؟ آش عندو قال؟ شطر مخو ما تكسابوهش بكلكم في قالب بعضكم ، كان جات الدنيا دنيا راهو هو ينيك فيكم بالكف. زايد مع الطحانة. وائل هو اللي يخلص فيكم يا كلاب، بوه ، امو ، خوه، هوما اللي يدفعو في الضرايب اللي يجيكم منها الخلاص. بلادنا هاذي ، رزقنا ، كان نحنا الشباب ما عناش فيها حق ، شكون عندو فيها حق؟؟ و هاكم ضربتو وائل ، و هاكم حصرتوني و فتقتوني من بعضي لوين نسيت الفرق بين السما و الأرض، فيبالكم غلبتونا؟؟ فيبالكم ضرب و بونية الحكاية؟؟ بصحتكم، كيف الجبناء الكل تحصرو فينا 10 كونتر 3 و 5 كونتر 1 ، كاني بونية الحكاية ، قادرين نحنا زادة نتكتلو و نفتقوكم من بعضكم. أما ماهيش لوجيك رجال. و كان انتوما طحانة ، نحنا رجال. تفكرو نهار السبت و نهار لثنين في بطحة محمد علي. اللي يعارك، يعارك راس لراس، و اللي تحصر وسطنا خرجناه من غير ما يمسو حد، وجهو اصفر و خراه بين ساقيه بالرعب. للبارح الصباح ، في بالي أولاد بلاد وحدة ، و اللي لواحد فيكم غير يخدم في خدمتو. م اليوم ماكمش ولاد بلادي. انتوما اللي فرضتوها علينا الحالة هاذي. م اليوم انتوما في واد و احنا في واد. و رحمة جدي في قبرو ، اللي نحصر ربو منكم، و الله لوما نفتقو من بعضو. و حق مرايات وائل اللي نطرتوها، و حق دمي اللي سال، لوما ترجعلكم واحد واحد. جربناكم قبل ، و اللي يحصل وحدو من غير زي تبدا خناينو على برة، يا كمشة جهال. تحبوها حرب؟؟ توا تاخذوها حرب ، بكل حزم ، بكل حزم.
في بالكم خريتو فيه كي ضربتو؟؟؟ في بالكم باش نسكر جلغتي و نخاف؟؟؟ نيك أمها كي نكون وحدي في ها البلاد ... نسكت؟؟ نسكت العصبة يا حنش يا طحان. ماهي إلا طريحة أخرى و تعدات ...

jeudi 23 décembre 2010

بزقة

هي بزقة وحدة ، اقسموها بينات بعضكم اشطار ، و لو انو عددكم كبير، اما ميسالش ، القناعة كنز لا يفنى... نبداو على بركة البوعزيزي الليستة :

- تفوه على كل واحد عيط باسم الحرية ليل و نهار، و نهارة اللي ولد بلادو تكتف و تظلم، غم على راسو و قال : "خاطيني أنا ، مانيش من المهمشين"

- تفوه على كل واحد غاضتو العراق و فلسطين و نيكاراغوا و نهار اللي الظلم شاعل يحرق في بلادو ، غم على راسو و قال "الحرية كان لفلسطين"

- تفوه على كل من طلع لمسرح و غنى و هدا غناياتو للشعب الأرمني و الشعب الأوزباكستاني ، و فرد نهار ولاد بلادو غارقين مقطعين بين الظلام و اللاكريموجين و غم على راسو و قال "نغني للشعب المسكين"

- تفوه على كل كلب طحان هز الستيلو و كتب ع الحالة الشاذة المنعزلة متع شاب ما حقوش يتقهر م الظلم اللي ما فماش في بلاد تعيش فيها زاهي فرحان سلطان في زمانك، و نكر في العباد اللي تدافع على حقها باش تعيش و كتب عليهم تمنييك أخضر ع الصباح و غم على راسو و قال "ماهو يسكرو افامهم كي الأخرين"

- تفوه ع اللي عمَر و و ضرب ولاد بلادو بالكرطوش الحي و باللاكريموجين و مدَ يدَو على ولد بلادو و دكَو في الحبس فماش ما يسكَر جلغتو ، و صاح و سبَ و عفس و حرق و غم على راسو و قال "سيدي هانا طايعين"

- تفوه ع اللي سرق و كذب ، ما خلا في البلاد بلاصة لغيرو، نقَص النعمة و فرَق النغمة، وزَع الكذب على الجواعة و نكر عليهم حقهم في بلادهم، حقهم في حياتهم، و حقهم في الغضب، و غم على راسو و قال "أنا المعلَم ، و نيك أم الأخرين"

- تفوه علي أنا شادد ستيلو و نكتب في بلاصة ما نهبط نهد القصور و العسَاسة ، و تفوه عليك يا اللي تقرا، و تغم على راسك و تقول "وزَر روحو، مسكين"

بزقة واحدة في وجوه الكل ، و حتي بزقة برشة فيكم.

samedi 11 décembre 2010

Danse de saoul

Lorsqu'on se saoule
On perd le nord
On perd le sud
On perd le poul
On perd petit
On reste grand
le monde glisse
y a moi dedans
Et je suis seul
je glisse en hics
et je croise ma petite Cosette
[Hé ho salut petit Gavroche
toujours si gai
toujours si moche]
je fais la fête
Entre un petit moi, qui n'est pas moi
et puis un moi, qui prend un mois
Comprenez pas??
Bah ... je suis saoul
je perds le nord
Je perds le sud
Je garde mon cou
Bien en dessous de mes gros pieds
Et p'tain, mon nez
qui se la coule
à flots de douleurs et de lune
à flots de boules
Je creuse ma tombe ..
A cinq cent quatre vingt six dix cinquante fois
et je m'y tombe
(Que voulez vous
je ne suis qu'un fou
qui ne sait pas manier le verbe
qui ne sait pas que si on y tombe
on se tombe pas
Juste que voilà
à ce moment las
Moi je suis saoul..)
Le fou avance un peu, la reine
recule un peu, puis le cheval
avance et perd son cavalier, puis le cheval
avance écrase son cavalier, puis le cheval
tombe la reine, et prend la porte ..
J'aurais une toute petite mort
Une tite mort toute modeste
Qui pue la veste
tous mes amis ne seront pas là
Ma femme aussi ne sera pas là
Ni mon papa
juste l'alcool
et de petites idées de folie ...
Je pars tout seul
Pour refuter le paradis
Car je suis saoul
Je perds le nord ..
Je perds le sud ...
.....

lundi 21 juin 2010

Un ptit poueme


Je voudrais toucher les étoiles
et remporter tous les magots
me dessiner au fond de la toile
me croupiller à coups de ciseaux

La grille au loin me sert de nerfs
et tous mes nerfs m'ont lachés
je me défie en bras de fer
je m'en vais perdre et gagner

Je voudrais travailler ma mort
me préparer un coup de soleil
prendre un métro pour le dehors
descendre ou monter pareil
(Bien sur ça casse, il faut la rime
même en disant n'importe quoi
rien d'important, rien que la rime
même en disant n'importe quoi
on peut jeter par la fenetre
tout l'orthographe , toute la grammaire
essayé de regardé n'êtr
un lingus qui vole en plein air ...

J'voudrais fermer la parenthèse
re-pénétrer la joie de l'âme
mais m'faut rimer la "parenthèse"
sans que les mots perdent l'âme
)

Je voudrais bien sortir de moi
et aller faire un tour ailleurs
regarder juste en bas de soi
et m'imbiber de mes malheurs

Je voudrais bien, ne plus et tout
et jamais plus le répéter
j'aimerais me casser du trou
qui m'interdit de m'envoler

Je voudrais bien me balancer
par mon gros nez par mon regard
rebondir haut et m'écraser
devenir bouillon sur un trottoir

Je tu confonds
Tu je confonds
ça se percute en confusion
ça laisse un avant gout amer
et ça persiste l'éclosion
ça fait toucher le brin d'éclair
qui fait des mots des sons garés
ça fait chialer et ça fait taire
toutes les peurs de s'égarer
cette petite solitude
cette merdette qui creuse encore
ce petit moi qui fait de moi
ce que je vis à chaque mois
tout ce que je fais comme tort
tous ces petits morceaux de cerveau,
et d'ADN et de moelle
ces grandes crottes qu'on a cadeau
de la vie et des compagnies de fuel
Je tu confonds
Je solitude
Tu je confonds
Tu solitude
.......

mardi 1 juin 2010

يوميات المكناسي -2- (archiv fb 28/02/2010)

لهنا، اللغز الكبير إلي عقدني هو الحلقوم . ديما موجود في الحوانت. قد ما شديت العسة لا عمري نهار ريت واحد م اللي عندهم حانوت يشري في الحلقوم ولا يهبط فيه . والحانوت ديما فيه بزايد حلقوم ، والعباد ديما تشري . نهار تشجعت وسألت واحد فيهم : "منين ها الحلقوم الكل ؟؟".. قالي : "ما ندريش ، هاوينو غادي ، وهاني نبيع فيه و أكهو .." ...
لهنا كل شي مختلف، عالم أخر ، مفاهيم أخرى . الصلاة مثلا . الناس الكل تصلي ... وقت إلي تواتي ! ووقت إلي ما فماش بيرة . وغير البيرة والشراب لحمر ما يعتبرو شي حرام . خالي ، مدب ، وشد إمام قبل ، مرة يحكي معايا ، قالي : "اخطاك م الشراب ، حرام ، ربي ما يحبوش ، عليك ب التكروري ، حلال محلل ".. كي شافني بهمت ، قالي : "والله ربي ما قال عليه شي .. صحيح الحاكم ما يحبوش ، مانعو و مسيب الشراب. أما ما تنساش ولدي ، لا كانو الحاكم مولى الحبس ، الجنة مولاها ربي ".. البيرة ولشراب لحمر حرام متاعنا احنا ، حرام عائلي
الكبار لهنا يقولو اللي كل شي بوقتو ، إذا كملت نحيت الزيتون وبعتو ، ولا عثرت وبعت ، تنجم تنده تشرب مرتاح ، سلكت ... سينون ، ماذابيك تصلي لوين تسلك . ولهنا ، في شيرة "العمايمية" (آل عمامي ) في المكناسي ، البيرة مكون روحي أساسي للهوية . ما فماش عمامي ما شربش . وجماعة البيرة ما عندهم حتى مشكلة .هو الحق ، الوديان لهنا ما تجي كان متع شراب وشيخة . لهنا كلمة "سوكارجي" ما فيها حتى حكم أخلاقي. هي وصف كيف غيرها م الأوصاف ، كيما تقول أسمر ولا طويل ولا بوهالي . الحاجة الوحيدة اللي ، من عمر معين ، ماذابيك تولي تشرب بالسرقة. لا محالة الناس الكل تبدا فيبالها، أما كي تجي تشرب ، قول إلي هو بالسرقة ، على خاطر عيب ، شايب ، بأولاد أولادك وتشرب .
لهنا برشة حاجات تضيع ، تذوب ، المناصب الاجتماعية ما تعني شي . نفس العيلة تلقى فيها طبيب وبطال وفلاح ورئيس جامعة في الخارج . وأولاد المكناسي ، مهما كبرو وطلع دولارهم ، أول ما يروحو للمكناسي لازم يعملو كيف غيرهم : يسقو الزيتون ويسرحو بالغنم . واحد حضرتلو ، مازال كي روح من كندا ، بعد ما نصبوه نائب رئيس جامعة في مونريال ، أول ما هبط م الكرهبة متاعو، وسلم على اهلو ، خرج ديراكت يسرح ، بالكسوة والهيلمان لكل، كيفو كيف غيرو.وعادي ، هذاك اللازم، هذاك حق المكناسي .
والناس لهنا معاييرها للإحترام ، ما تتبدلش بكرني شيكات. اللي يبدا حاجتو بكلب ، يمشيلو ويقول : "يا كلب ، هات "... ما يحشموش من بعضهم الحشمة الزايدة . كي يتعاركو على زرع ولا أرض ولا بير ، يحكيو مع بعضهم بالواضح : "إنت فكيت هذي ، وغرت على هاذي" "نا حاجتي بيها أكثر منك ، إنت ما عندك ما تا تعمل بيها" ، وديما أحباب ديما أصحاب ، يستحيل تلقى زوز م الناس قاطعين بعضهم على خاطر رزق ولا فلوس . بش زوز يوصلو يقطعو بعضهم ، لازم تكون حكاية فيها كرامة.
مفهوم الكرامة في المكناسي ، يمكن أصعب حاجة تنجم تعرضك في حياتك ... ما تنجمش تحصرو ولا تفهمو .. على خاطر نفس العبد ينجم يقبل كف ويتسخسخ ويعديها ، حتى قدام العباد ، وبينو بين روحو ... نفس الشخص ينجم يقاطع نفس العبد لوين يموت كان لزم على غزرة ولا تفدليكة .. كيما ساعات ، عركات كبار ، متع سنين ورا سنين ، تتحل بالصدفة ، وسلام ع الطاير.
نسا المكناسي كيف كيف ، حالة خاصة . ما تنجمش تحكي ع المساواة ولا غيرو في المكناسي ، على خاطر تلقى روحك "أور سوجي". النسا لهنا ، ماهمش أشخاص ، هوما شخصيات . كل مرا تلقاها عندها وزن كبير، كل مرا عندها إسم وشهرة وموجودة في كل شي : الفلاحة العروسات العرك التجارة .في محافل المكناسي وعيشة كل نهار. فاطمة الالمانية ، الحادة، مباركة بنت الحاج الصادق، فاطمة بنت الزاكي .. كل وحدة بحكاياتها وبطلعاتها وبمواقفها ... شهيبة، الله يرحمها ، عذراء الريف ، وسطهم الكل، على شيرة ... شهيبة توفت مالهاش ياسر ، وعمرها 86 سنة ، حبت على واحد ، و مات قبل ما يعرسو، حلفت لا تعرس بغيرو .. للي توفت ، والتلايلية (فرع م العمايمية) يشاوروها في كل شي، كونها ما عرستش ، ما سببلها حتى قلق، وحد ما ناقشها في قرارها ولا عايرها نهار. كان مجرد تفصيل ما عندو حتى أهمية ... في المكناسي، ما فماش لغة "يحكي مع الراجل" كيف تبدا حكاية تعني مرا ... ديراكت لحديث مع المرا يصير، في أمور رزق ولا فلاحة ... مش عيلة مش زوز، فيها نسا واقفين حديد ، يتحسبلهم 20 ألف حساب ... كل واحد مسؤليتو مستقلة على غيرو. كيف الناس لهنا تبدا تخطط ولا تحكي ولا تفعل، عمرهم ما يحطو هذيكة مرا وهذاك راجل. حتى كي ينسبو، يقولو "ولد فلانة " و "ولد فلان " كيف كيف ، ماهيش سبة .

لهنا ، الناس الكل تكره الحاكم . الناس الكل تسب فيه. حتى م العمدة [بوبكر الأول و بوبكر الثاني] وجموع الشعبة. واحد معروف غادي ، تابع الحزب ، كان ديما ما يفلت حتى فرصة بش يهنتل المعتمد والوالي وأي مسؤول يطيح بيه. السيد هذا ما فماش مؤتمر متع الحزب ما شاركش فيه ، وقدم لايحة إنتخابية فيها هو برك . تشيخلو كي يبدا في المؤتمر يسب وينعل ، يمشي لعباد واصلة بالذمة ، يجبد واحد : "إنت فلان ؟؟" "أيه تفضل " "ما أسقطك ، والله لا تجي راجل ، كذاب ، تخدم لروحك ... وين ... وين ..." وينده ، ينحيلو جد امو الكلبة . السيد هذا ، إخترع كلمة سبيسيال لجموع الحاكم (إلي كان لأخر لحظة في عمرو معاهم )، إلي هي "تفسخة" ... ال"ت" ، هي صيغة المستقبل في لهجة المكناسي ، والكلمة معناها :" مشروع عبد بش يولي فسخة " ، فسخة لمشتقة من "فسخ".
لهنا في المكناسي برشة حاجات تنتفي ، يولي ما عندها حتى معنى ، كيف التفاؤل والتشاؤم . ديجا ولد المدينة عديم الخبرة ديراكت يولي يخمم إلي في ها البلاصة ما فماش مستقبل . وكي يجي يتبع لوجيك العباد إلي لهنا ، يخج ، ويبهم إلي حد ما يجبد ع المستقبل إلي ما فماش . وقد ما يقعد يخمم ما يفهمش . وببهامة يقول إلي الناس ما عندهاش وعي . بينما كان تجبد ع الموضوع لأي واحد ، توة يستغرب أصلاً من فكرة المستقبل فما ولا ما فماش . وهذي روعة المكناسي . إلي هذا يقلك : " حتى نخلط ع الحاضر قبل، نشوفو فما ولا ما فماش " كانك ع الماضي ، لقاولو حل جذري . سمو عايلات بأسامي تشبه الدول الإسلامية . عندك مثلاً العبابسة ، ع الدولة العباسية ، والحساينية ، ع الدولة الحسينية ، والعثامنة ، ع الدولة العثمانية ، والحوامدية ، ع الدولة المحمدية. والباقين إبتكرو لرواحهم دول . على خاطر الماضي ، في المكناسي ، ما يعني شي . لعبة يعديو بيها الوقت كيف يرقد العايش. وم الحاجات إلي نموت عليها لهنا ، إلي عمرك ما تسمع الحنينيات متع وذني : "قبل يا حسرة ، كنا ... قبل كانو ... يا حسرة يا زمان ..." هذي جمل إستحالة تسمعها لهنا على خاطر المكناسي كيما قبل كيما توة ، الدنيا دايرة بالغالط ، ومازلنا نفركسو كيفاش نصلحوها

يوميات المكناسي -1- (archive fb 26/04/2010)


المكناسي ، برشة يعرفوها محطة متع ترينو قفصة ... بلاصة غير عادية ، هاربة من زمان أخر ، وديان في كل شيرة ، خدودهم يبكيو بالزين ... الريزو لهنا شلطة وحدة ، مرة تطلع ، مرة تهبط .. قد ما حاولت نقنع لعباد إلي فما 5 شلطات ، حد ما حب يصدقني . قول ما عندهم ما يزمرو بيه الريزو ، إلي حاجتو بصاحبو يمشيلو طول ، ولا يناديلو من ورا الواد .
الدنيا لهنا ماخذا ريتم طايح بالنسبة لواحد عايش مصروع في المدينة . لهنا عندك الوقت لكل شي . كل شي . عندك الوقت الكافي بش ما تعمل حتى شي ، على راحتك . ديجا واحد م الناس ، عديت وقتي الكل نمارس في هاك النشاط السحري : حتى شي ، نيات ، نادا، الصحراء السيبيرية . وكونك ما تعمل في شي فن ، مش إلي يجي يقدر عليه . رمشة تخمام لا . ال"حتى شي " المتعودين عليه في المدينة طلع فالصو . في المدينة ، ما تعمل في شي معناها تتفرج في التلفزة ، تسمع في حس الكراهب ولا الجيران ، تدرجح فيهم (الكرارز بالنسبة للولاد والبزازل للبنات )، تمخور في خشمك ... معناها تعمل في حاجة معندهاش معنى . أما في المكناسي ... هييهييه ، تكتشف إلي هذاك لعب ذري متع قننوات الياغرط. لهنا ما تعمل في شي معناها بالرسمي ما تعمل في شي ، الفرق الوحيد بينك وبين الميت : هو يبكو عليه وإنت لا . في حانوت الضفافلية، كل نهار يعملو مسابقة متع "حتى شي "، وإلي يخمم شوية يخرج على برى . بطل المكناسي في الحكاية هذي هو "العايش". العايش هذا عندو استاذية في الفلسفة ، ومن هاك النوع متع العباد إلي كي تجي تحكي عليه ، ما تعرفش أنا كلمة تستعمل : راجل ، طفل ولا حاج. كي تشوفو ما تنجمش تعطيه عمر ، ولا حتى "فورشات". العايش هذا على ما قرى وتبع الكتب والخربقة والتاي لحمر بالشب ، مخو فرغ مسكين . الذبانة تدخل من وذن ،تقعمز في الراس ، تلعب طرح شكبة وتخرج م الوذن الأخرى ، من غير ما يعرضها شي ؛ العايش يعديلك أكثر من 12 ساعة دون إنقطاع ما يعمل في شي . الحاجة الوحيدة إلي خلتو ما يخلطش ال-24 ساعة ، هو إلي ساقو تتنفخ ولازمو يتحرك يبدل البوزيسيون . والعايش كي يبدا مع صحابو ، ما يعمل في شي ، يشم ريحة التخمام كان بدا يجي لواحد . يولي يرمي كلمة ستيل : "الوجود ، قازوز ، الثورة ، الحق، بطانية زرقة ، مرمز بالدجاج " مخاخ الناس الكل تمركي ستوب وترجع تخمد.
الحاصل حاجة روعة ، تخليك تكتشف أهمية كل شي مهما كان صغير ، عينيك يتحلو على حاجات عمرك ما لحظتهم قبل . كي تتعدى بحذاك نمالة ما تشلقش بروحك كيفاش تقول "ياااا !! نمالة !!!" وتقعد تعاود فيها لوين تغيب عليك وتقول :"ياا !!! بح نمالة مشت !" .. حتى م الطقس يساعد : شمس زارقة تشوي والبرد يضرب في العظم. النهار الاول ، مشى في بالي المكناسي تخلقت في قالب كاميرا خفية ...
لهنا ، الحاجة الوحيدة إلي تدل إلي فما حضارة في بلاصة م البلايص هي كرهبة كات كات باشي تتعدى كل نهار إثنين مع العشرة متع الصباح لحانوت "الكربة"، تفرغ شكاير سميد وخمسين خبزة وياغرط. الخبز يتباع على جمعة كاملة . أما الياغرط، هذيكا حكاية أخرى ، عالم مستقل بذاتو . شو ، شو ، تعرف كيفاش ؟؟؟ ريتش أنواع الياغرط المعروفين الكل ؟؟لوحهم الكل ورا ظهرك (رد بالك على حوايجك ) وأبدا إستنبط أسامي أخرى م الخلا، نضمنلك 90% منهم تلقاهم في حانوت الكربة ، ياغرط "عزيز" و-"اوتا" و-"أوخي" و-"النسيم" .. زيد أعمل مجهود وتفكر الانواع إلي ماعادش موجودين : ستيل بالدقلة ، يوغو ، صندي، زياد .. حتى من باكوات رايب مثلث تلقى ... خلي م البشكوتو ، أسامي فروخ الروضة لكل تلقاهم : بسكوي "أمير " و-"ميرنا" و-"حمدي " ...
المكناسي بالحق عالم أخر . الناس الكل بتلافزها ، والتلافز الكل ما يمشوش. الاشوم ، إلي تسألوا : "شبيها ما تمشيش التلفزة " يجاوبك طول : "م الندى" ... يزيد ربع ساعة يشكيلك م الجفاف والمطر إلي مش حابة تصب ... مخك يتكونسى . ترجع تسأل : "مالا الندى منين ؟؟" يقلك طول : "أما ندى ؟؟؟ أخا ضبعت ها طفل ؟؟" ... إلي هذا عندو بارابول نومريك وقصعة مصددة. كي تسأل واحد : "اش تندب بيه ؟؟" من غير ما يبطا يقلك طول : "حتى شي" .."امالا لواه ماخذو ؟؟؟"..."ما ندريش ، هاوينو غادي .. قلقك ؟؟ تحب تشري ؟؟" .. ال"حتى شي " لهنا فلسفة في الحياة ، رؤية كاملة للوجود والعدم .. كل شي لهنا يتجرد من كل شي ، ويرجع لمعناه لولاني البسيط : " لاش ينفع ؟؟؟ كانو ما ينفع لشي ، خليه ، اشريه ، اسرقو ، فكو ... أماكانذا اخطاك ، تعب ووجيعة راس وهم أزرق زايد "
الناس في المكناسي عندهم حكمة خاصة وطريقة غريبة في التعامل قايمة على حاجتين : السخرية والتخرنين. التخرنين لهنا من أجل متعة التخرنين . فن من أجل الفن . خالي عندي يجي 10 سنين ما قابلتوش ، أول ما شافني نقز ، وطول بدا يخرنن على عزرائيل إلي هز ما هز م الارواح ، وخلاه هو واحل مع مرتو وصغارو .. تعدى مبعد خرننلي عليهم واحد واحد (عندو 12) ، بعدها خرنن ع الزيتون ، وبعد ما خرنن علي أنا إلي ما نطلش ، قالي : "إيه ، و شنهي حوالك، لاباس؟؟ " ... غلط وقتلو :"الحمدله ، لاباس" ... وعينك ما تشوف إلا النور ، طلع السيد كان جوست يسخن ، وأنا بهاك الكلمة عطيتو إشارة الإنطلاق ... "صحة ليك ، صغير مازالت الدنيا قدامك .. مناش عندك بش تشكي ؟؟ ... مش كي إلي عمرو فات عليه ، القاعد أقل م إلي تعدى ، حتى لو كان جا ..." 6 سوايع كاملة يا بوقلب ، تحط الفطور وتهز ، وسربتلنا "حدة" 15 كاس تاي أحمر ، وفيصل ولد خالي طرشق 10 كعبات بيرة تحت حيط الدار ، وخالي يخرنن ... وأخيراً سكت وقالي :" أما الحمد لله على كل حال" وقام ... جاني فيصل يجري قلي "قطع ، راهو بش يصلي ويرجع يكمل .." ... خرجت نجري كيف السارق ...
فيصل هذا ولد خالي ، مكناسي أصيل ، يضرب مبعد يسأل : "شفمة ؟؟ شني لحكاية ؟؟" ... يحكيلك عادي للصباح ع الميزيرية والتمرميد والظروف ، كان يشلق بيك تعاطفت معاه ، يقولك "جيتك نطلب ولا سارح عند جد بوك الكلب" ... نهار جبدتلو على 26-26 ، بش نسأل عملوش مشاريع في المكناسي ، قلي : "إيه نسمعوا بها ، كل عام نتبرع ... قالو للفقرة والبلايص الريفية ... يعطيهم الصحة " ...

القمة (archive fb 26/01/2009)

يا أيها الشعب الخايف، يا بو أحلى شفايف،


القمة القمة القمـــــــــــــــــــــة
يا محلا جو القمة
مع العيلة تحلا اللمة
و العيشة تولي عسل

مع الثمانية تبدا النشرة
و الضحك الكل و الجو
كاكاوية و تاي و سهرة
مع بيانات الآي آو

من حيث، و يبدو أن
غير أني الآن أرى
و كي تجي تشوف العيب موش منا
أما الله غالب، الشعب خرا

يحلا الجو و تحلى الشيخة
مع القذافي و الكعبات
"خنزير، يا عميل البطيخة"
غير شوف فلوسو وين تبات

و التحاليل الثورية
على أصل المشكل و الحل
يا جماعة : الديمقراطية
... و البوليس هو الحل

و يطلع عمك بشار
وراه الخبرة العائلية
" طهار en tant que ex"- شوفوا ، أنا
رايي : الشعب ليه المدفعية"

و ساعات يركح الضرب
مشطة و بونية و أناناس
و الخلاف : شكون اللي بدا الحرب
في جزر البهاماس

صحيح البهاماس ماهيش عربية
أما القذافي يقول
كيف تركز و تنف شوية
تلقا البهيم و العربي، نفس الأصول

و العز الكل ، يا عشيري
كيف أبو مازن يتكلم
"أمان كيفاش ندبر شهريتي
يا ولادي، نحب نتعلم.."

يغمز عاهر الحرمين
"انت فاوض واش عليك
و ما تنطقش بفلسطين
توا صواردك الكل تجيك"

و تبدا الجلسة المغلوقة
جلسة كلها ألغاز
"زعمة الترمة، خليقة مشقوقة
"Juste effet mta3 gaz ولا

و نهارة الل توفى الاجتماعات
ع الشعوب اللي بايتة تحلم
بالقرارات الحربية
و القوة العربية
تطلع أحلى قرارات
كلها رباية و فيناس
ذات الصبغة التنديدية
"عيب عليك يا ولد الناس
أمان أمريكيا، هكا تعمل فينا؟؟
و احنا اللي على خاطرك اتلمينا؟؟
ممالا شوف الاستنكارات"
... و القرودة الكل تروح
تطرطر فرحانة و تضحك
عملت أقصى ما تقدر ..
هانا نددنا، من فضلك...
تحيا القمة العربية
و يحيا الضحك اللي بوبلاش
و تحيا الحكمة القيادية
من عند قرودة ما تسواش
القمة، القمة، القمة

بيان (archive fb 21/04/2009)


بيان على خلفية الأحداث الأخيرة ، و نظراً للتعنت الذي لقيناه، ولامبالاة السلط المعنية، وبعد أن انغلقت كل السبل امامنا، نعلن عن دخولنا في إضراب مفتوح عن الجوع ، إلى أن يتم تحقيق مطالبنا العادلة و المشروعة. ونلتزم أمام الرأي العام بتناول ما تيسر من الطعام كل ساعة تمرن دون تحقيق مطالبنا. هذا وقد بدأ تحركنا الإحتجاجي يوم 20/04/2009 على الساعة 12 ظهرا ، بكسكروت غوتة وجبن مالح ، في 8 نهج غانا ، حلايبي الحاج، تناوله المدعو عزيز عمامي ، و صحن كفتاجي مقصوص عند رضا راس العظمة، 12 نهج جان جوراس حذو الميكانيسيان ، مرفوقاً بصحن بطاطا مقلية مشفوعة بقرنين فلفل بر عبيد، تناوله المدعو بيرم كيلاني. إن مكتبنا السياسي، ووعياً منه بخطورة المرحلة يعلن عن تشبثه ومساندته اللامشروطة ويهيب بجميع الأطراف في الساحة أن تهب هبة رجل واحد، ذلك أن الأمر يتعدى الأطراف والخلافات، و العلاقة الجدلية بينهما، ليمس الموضوع في جوهره الإنساني. وقد أعلن المدعي مطاع أمين الواعر عن التحاقه بهذا التحرك الإحتجاجي في ظرف 72 ساعة في صورة عدم تحقيق المطالب المذكورة أعلاه، بالتهامه،وحده، صحفة لبلابي صغيرة كاملة (عظمة و كأس) عند الحطاب الكائن ب 3 نهج غانا. ختاماً، نؤكد على تشبثنا بمواقفنا المعهودة وإن كان الموت نصيبنا لن ترهبونا عن الجوع، التخمة ولا الخضوع عاشت الحركة المعنية في صحة جيدة

عزيز عمامي بيرم كيلاني
بمساهمة :

Cactus Production




(archive fb 30/07/2009) تونس سبعة ، و الكلام المرزي ... بقلة ليها



تخيل لو كان نهار ، هكة ، ندرا اش يصير، و يخلط قرار محرقص لجموع تونس شبعة، باللي الكلام المرزي ما عادش مرزي ... تولي الفيراج متاع الكليب و ليسبيرانس و ليتوال يغنيو "تونس سبعة عشرة ملاين حبيناها..' ... تكون ثورة في الشكل تبدل وجه الدنيا ... الللي يحب يكفر يكفر و اللي يحب يسب يسب ... الحاصل ، عالم اخر ... هاو البروقرام :

- أخبار الثمانية :
* ... الجزء الأول كلو تربريب و تصاور من غير كلام ...
* أخبار دولية :
صرح رئيس وزراء إيطاليا ، المي*ون برلسكوني أنه ك*ز من الحراقة ... هذا و قد قال محلل سياسي أنه يخرالهم فيه
هذا و قد زادت تـــ*ــاكت الأمور بين حركتي فتح و حماس، حيث عبر الرئيس أبو مازن عن امتعاضه مما سماه "تقو*ـيب حماس" كما وصف الناطق الرسمي، مطاع أمين الواعر متاع حماس ، تصريحات أبو مازن ب "لعب الذري" ...
في أول رد فعل لها على تنديدات الجمعية العامة للأمم المتحدة، عبرت اسرائيل عن رغبتها في بعث المجتمع الدولي ينـــ*ــك
* أخبار وطنية :
أحرزت المفاوضات الإجتماعية القايمة منذ أيام سيدنا نوح على تقدم كبير، حيث عبر الأعراف عن استعدادهم اعطاء العصــ*ــة للشغالين، و قد قابلت المركزية النقابية هذا القرار بكثير من الإرتياح،
بعث المشاركون في الندوة الوطنية للبلغم و تكسير الجلغ برقية شكر و تهنئة إلى شسمو مناشدينه الترشح و الفك عن ر* والديهم
* رياضة :
نا* الترجي مرة أخرى البطولة الوطنية ،عن جدارة
بعد ثلاث أيام من درجحة الكرا*ز عاد ممثلو الرياضة التونسية من الألعاب الأولمبية

ولا تخيل الملف التلفزي، فما مسهول حاضر و الجموع عملو ريبورتاج مع مواطن حاجتو بالمسهول.
المواطن : و الله نا ماذا بي نقول لها المسهول هضايا، متاع ز*ـي، وين ر*ـك ها سي الخرا ... الخبزة غلت و الواحد ترمــ*و لهبت، ت*ــاك و ماهوش لاحق على ز*ـور ام فرنك احمر ... والله شحنا

ترجع الكاميرا للبلاتو ، و يجاوب المسهول بابتسامة جمهورية على محياه : " والله انا ماذابي الساعة قبل كل شي نقول لهالخرا متاع نـ*ـي اللي عديتوه توة اللي مانيش بش نعديهالو ، هذا أولا ، أما ثانيا ، نقلو اللي أمو القـ*ـبة تنا*ـــت سايي ، خلي يعرف رب الط*ـين كيفاه، ثالثا ماذابي نشير اللي هالموبـ*ـة هاذم قد ما تعمل معاهم و شي، جبنالهم المي جبنالهم الضو جبنالهم الكياس، و رغم ذلك مازالو يحلو في جلغهم، نعن دين ام هاالزنوس، الماركة الكلبة، رابعا نذكر اللي القاصي و الداني يعرف اللي أمورنا في تونس ستة زيت ، و كيما يقول المثل ، بالأمن و الأمان ترجي يا فنان ، عنا زينو ، و حا*ـينو ع العالم الكل في بلاد الفرح الدائم"
هوني المعارض دوزييم مان* متاع الح.د.س ** اللي مستدعينو للحلقة يقول : "و الله كي تجي تشوف.."
يهزو و يحطو المسهول ، و يقص عليه :" تي برة نـ*ـك امك"
يسكت متاع ال ح.د.س و يرسم ابتسامة استيطيقية على محياه، و يتدخل المنشط : "اقعد عـ*ـبة، سيدي المسهول حضرات النظارة، نأتي الآن إلى نهاية هذه الحلقة. إلى اللقاء في الموعد القادم، تصبحون على خير، و نـ*ـك امها"
...................................
........................
نـ*ـك امها

:)

* deuxieme main , men jmou3 koll el2a7zeb el9anouniyya
** : ح.د.س حركة الديمقراطيين السكوتيين

Activia في بلاد ال (archive fb 11/09/2009)

فرح يا مواطن
سيب كرشك كل نهار
عمو حمدي الفاطن
جابلك اكبر افار

قلبو علينا tonton
حنين و يخمم فينا
حط مخو في الكوجينا
باش ترتاح ليالينا

satisfait حمدي tonton
remboursé حمدي tonton

جابلنا الخمائر
كعابر تعاون فينا
كروشنا كيف شكري الواعر
لا طبق يهون علينا

و اذا بوك ضرب ساعتين
في الميحاض و ما صار شي
فيسع اعطيه كعيبتين
وقطع ، ريحة تكوي كي

satisfait حمدي tonton
remboursé حمدي tonton

مهما الطبيعة صعبت
و مهما العواصف و الرعد
توا الامور هاي سلكت
مع اكتيفيا صدق الوعد

لا يحيرك هندي و لا بقري
lavabo ولا grisey ولا
تضرب كعبة ترجع تجري
beau حتى وجهك يصبح

satisfait حمدي tonton
remboursé حمدي tonton

حمدي جانا tonton
من بر فرانسا بدوانا
على يديه الكل كشخنا
و الكروش تبات فرحانة

اما لازم ترد بالك
club وما تحاولش تحب ال
Activia désactivée
pub و ما تقعدلك كان ال

satisfait حمدي tonton
remboursé حمدي tonton

و اذا كان ما زهرتلكشي
و الكعبة ما خدمتشي
الله غالب ما خطفتشي
قيد محضر و اكتب "كرشي"

و اهبط للحديقة "أ"
و اكتب اسمك في الهواء
عمر ورقة صحح مطلب
توة يعطولك كاكا

و برة اطلع للبلدية
اعمل تعريف إمضاء
بعد بجمعة و زيد شوية
يخلطلك استدعاء

تمشي لحاكم التحقيق
يقلك "هبط السروال
هيا عيش ولدي فيق
الحكاية فيها أموال

satisfait كانك مش
و ما هبتطلكش الكاكا
remboursé باش تولي
لازمني نثبت لهنا"

حمدي العاقل tonton و
ما يحبش المشاكل
"تقعد روح عيش ولدي
لا العشية يهزك رافل"

رد بالك تنسى المعلومة
حمدي تعب tonton اللي
نساتيسفيوه و نرمبورسيوه
و نزيدو نعطوه اللي يحب

satisfait حمدي tonton
remboursé حمدي tonton

تحيا اكتيفيا
ياغرت الكاكا
و اذا صعبت عليك
مغرفة ضربة ضربة

ناكتيفيو الآكتيفيا
خلي العيشة تولي خرا
نهار و ليل الكل كاكا
ça va!! والاحوال ترجع

في بلاد الآكتيفيا
satisfait ou enculé
عاملين حالة virageمع ال
remboursé حمدي tonton و


Greve de faim (archive fb, 23/02/2010)

أمام تواصل التعنت الغير مسبوق ، و تصعيد لهجة التحدي والقمع من قبل السلطة و مواصلة لسياستها القمعية، والمستهدفه للحركة ،قامت السلطات مرةً أخرى. و مواصلةً لنهجنا النضالي اللذي عرفنا به في الحركة المعنية ، فقد قررنا ، مرة أخرى التصدي لمثل هذه الممارسات العنجهية الهجينة فقد قررنا خوض غمار المعركة لا يقودنا إلا احساسنا بالأهمية البالغة، وقناعتنا المترسخة بالمبادئ والقيم. إن السلطات ما فتئت تتحرش وتعتدي على كل نفس حر. فقد قامت مؤخرا بإنقاص 3 دقائق كاملة من الفسحة (ما يعبر عنه ب ركرياسيون) ، كما قامت بمنع ري الورود في جنينة الباساج. بل و بلغ التعنت حداً خطيراً ، بارتكاب مظلمة تاريخية بافتكاكها` لأحمر شفاه السيدة الفاضلة سرور بن سبادرين* ، اثر عودة هذه الأخيرة من نيو يورك، أين كانت تدافع على قضايا و هموم الشعب الكادح بكل ما أوتيت من قوة وشفاه. كما قامت بمصادرة مجموعة الغاز ثمينة (سلسلة رجل المستحيل) كانت بحوزة السيد نعمان الشوغافي** حين عودته من القاهرة أين كان يدافع على هموم و قضايا الشعب الكادح، بل والأدهى ، أنها ، نفس هذه السلطات القامعة القمعية، قامت بإفتكاك حبل غسيل المناضل خميس الخناري*** لإستعماله دون وجه حق(بكاء يرجى قراءة هذا المقطع مرفقاً بأغنية "دايماً دموع" لصاحبها هاني شاكر، تسجيل افريكا كاسات).

اننا وبعد ان انسّدت امامنا كلّ السّبل، وحيث لم يبقى لنا اي طريقة اخرى للتعبير غير اجسادنا ،نعلن، عن دخولنا
في اضراب مفتوح عن الطعام، الى ان تتمّ تحقيق المطالب المذكورة اعلاه (بكاء + تصفيق). و نعلن عن استعدادنا التام لشن الإضراب بأجساد غيرنا من المواطنين البررة. و نحن ندعو المجلس الوطني الأعلى لإنتاج وإعادة إنتاج إضراب الجوع، للإعتراف بنا من هذه اللحظة الصفر. يا احرار هذا الوطن. ان مساندتكم اللامشروطة لاضرابنا هي واجب على كل نفس حرّ، وكل من تتسنّى له نفسه ولا يسندنا ، فهو يدخل في متاهات مخططات السلطة(المخطط العاشر بالاخصّ). سنواصل النضال والبكاء...سنبكي نبكي نبكي، الى ان تجرف انهار دموعنا كراسي جلاّدينا. سنبكي الى ان يأتي الربيع، وتتفح الازهار.
دمتم للنضال، و دام هو كذلك.
هذا البيان بمساهمة توپ

مع تحيّات المجلس الاعلى لتمنية اضرابات الجوع

. إلى اللقاء في إضراب قادم.

پس: الى الرفيقة زينه القصرينية، التي تتعرض لحملة قمعيّ من لدن النظام الفاشي، لا تحزني سيأتي يوم و
نغني معا دنصي دنصي ندصي

azyz amamy et bayrem kilani

jeudi 20 mai 2010

De l'envie de récupération et autres magouilles #manif22mai

Encore une fois, les politicards à deux balles ne ratent pas la chance d'essayer de tout foirer. Une action citoyenne, civile, qui se veut la plus "a-politique" possible, se trouve encore une fois menacée de "dévoration" par des partis adeptes du "monopole de la lutte". Est il donc si difficile pour ceux qui se revendiquent de la scène politicarde tunisienne que de respecter la volonté des citoyens??? Compromettre le travail d'autrui, est il un juste hobby, praticable aprés chaque vacance d'acte?? ... Nos "militants" sont des ignares, c'est un acte de fait. Sinon comment expliquer le fait qu'ils ne comprennent pas le sens du terme "apolitique"?
Un petit regard vers l'histoire contemporaine du pays, nous fait voir à quel point ces politiciens se sont plûs à sauter sur n'importe quelle vague contestataire, à la dernière minute, pour y insérer une "signature". POCT est passé par là, Tajdid est passé par là, PDP est passé par là ... Conscients de leur insignifiance, ils ne veulent admettre que c'est de leur faute. Il y a toujours des "autres" à blamer. S'ils ne veulent rien dire pour le commun des tunisiens, c'est parce qu'ils sont opprimés, qu'on ne leur laisse pas le champ .. et puis de toute façon, ce peuple là n'est pas assez mûr! Un petit tour , entre les bars de Tunis ou de Paris, 23h passée, vous enrichira de commentaires "putain de peuple, nous voulons l'éduquer, mais ce ne sont que des lâches des merdeux". C'est le gage de la différence. Ce peuple même qui dans d'autres circonstances s'obstine à affronter de face les policiers dans les stades. Il ne peut être lâche donc, puisqu'il ne recule pas devant les coups de matraque, et ce ne sont pas les vidéos amateur qui manquent. La réalité est que le commun des tunisiens, peut savoir ou se procurer du hasch, comment obtenir des documents "frappés" , rien de ce qui est illégal n'est inaccesible pour le commun des tunisiens, malgrés ce que font les policiers. Ce même commun se fout carrément de l'existence conjecturale de telle faction et tel leader.Est ce de sa faute que de croire à l'immense inutilité pratique de ces dinosaures??? Je ne le crois pas. Le commun des tunisiens sait qu'il serait seul face au sorfag, tandisque ces mêmes politicards se plairont à analyser l'infrastructure des prémisses du décés de l'alliance programmée en vue d'aboutir à une lueur d'éclaircissement idéologique.
Le 22 mai, est une date trés importante pour ce "commun des tunisiens". C'est lui qui l'a fait, lui même que les politicards traitent de lâche. Elle a pour message "Sayyeb Sala7". Ce message s'adresse principalement à Ammar. Mais il concerne aussi les politicards. Toutefois, sans exclure les personnes elles même. Est ce difficile à accepter??? La volonté libre est elle si difficile à respecter, par ceux là même qui prétendent la défendre??? Le 22 mai est une action citoyenne, coordonnée par plusieurs citoyens, jeunes pour la plupart, depuis un bon bout de temps. Cette coordination, ces actes, émanent de discussions ouvertes, accessibles à tous. Seul un ignare, un fainéant qui se fout des informations ou de la vérité, peut prétendre ne pas en avoir pris connaissance. L'adresse du groupe a été moultes fois partagée, un peu partout pour garantir l'intervention du maximum de personnes aux "brainstorming". La plupart des décisions d'actes ont été pris par vote. Mais , un bon politicard se doit de s'en taper. En fin de compte, il n'a besoin que du "pret à porter". Pourtant, aucun politicard n'a eu l'audace de venir penser en public et à voix haute. Tel des renards, tous attendaient pour voir, si ça peut mener à quelquechose ou pas. Passons, ils sont libres de ne pas savoir. En fin de compte, eux ce sont LES opposants, ils ont le droit de ne pas savoir ce qui se passe au pays. Ils ont l'habitude de ne pas chercher à savoir, car s'il y a quelquechose, ça finira par arriver à leurs oreilles. Ils avaient bien écouté Redayyef, il y a des années. Ah! ça oui! ils ont bien bien écouté ... avec un tout petit retard de quelques mois.
Lors du dépot de la déclaration de la manif, Slim et Yassine ont faxé un communiqué à tous les journaux tunisiens : Elchourouk, ElHorriyya, ElSari7, Al Tarik Al Jadid, El Mawkef ... aucun d'eux n'a publié le communiqué, même pas ElHorriyya!!! Et voilà que, maintenant, trois jours avant le jour J, ils "sponsorisent" l'action 22 mai, ils se bousculent à annoncer leur solidarité partisane. Aucun problème si ça avait été fait par des "personnes". Chaque personne est par définition libre d'adhérer ou pas à l'action du 22 mai. Cette action qui se définit en tant que : autonome, citoyenne, pacifiste, anti-cesure et a-politique. Qui adhère à cet acte là, adhère à ses composants d'essence. C'est un acte sans leader, sauf ce "commun des tunisiens". Or il se trouve que ce commun des tunisiens, ne signe pas d'appel à la manifestation. Parce que l'appel à la manifestation n'est pas une pétition. Pourtant, ce genre d'appel (ici) ne peut être que semblable à une pétition. J'ai eu beau rechercher un "prix Nobel" ou un "artiste reconnu" parmi les signataires, je n'en ai trouvé aucun. Alors que font les signatures?? Acte de bravoure donquichottesque, à laquelle les politicards sont si bien habitués??? Oblitération par timbre de propriété?? J'essaie de ne pas revenir sur les conditions d'apparition de cet appel, qui suit la création d'une manifestation parallèle un premier temps à celle programmée par le comité d'organisation, ni sur les commentaires de dernière heure, qui laissent entendre que la manifestatio originale n'est qu'une fausse copie. Il ne s'agit pas d'un combat de "copyright", loin de là. D'ailleurs les "brainstormeurs" ont préféré depuis le début ne pas trop s'afficher, sauf pour passer les informations. Mais de là, à voir l'un des caractères essentiels de l'acte touché par l'envie , c'est une ligne rouge. Vouloir s'afficher, est compréhensible, voire même normal, et personnellement je n'y trouve aucun problème. Quiconque veut s'ériger en héros, et propriétaire même de la manif, ne me gêne point. Pourvu que la manif garde ses caractères essentiels, je suis prêt à jurer et dire par ci par là que X a tout pensé et fait. Mais, nous traiter, nous tunisiens, encore une fois d'immatures, et nous prendre par derrière, et casser encore une fois notre volonté claire, de ma part je dis NON. Politichien, Sayyeb Sala7. Il y a des frontières aux casseurs des mains.

samedi 15 mai 2010

Ouverture inclinée.

Une vague liberticide envahit la Tunisie, depuis la seconde moitié d'Avril. Aprés le Flitox, et ses différentes édition sur Fb, voici que la censure se décide à se montrer : directe, claire et surtout arbitraire. Des dizaines de blogs, des centaines de pages facebook, des dizaines de sites d'informations, de partage de vidéo, de cuisine, d'épilation, de rien-du-tout , se sont ,du jour au lendemain, trouvés frappés par le tristement célèbre "404 Not Found". Le message qui aurait été plus approprié serait certes un "403 Not Allowed", mais disons que ce n'est que question de temps. Le travail de censure s'accélère, en mode "bloque non-stop". Puis survint l'interdiction du concert de BendirMan. Je dis bien "interdiction", et non "annulation" ou "report", car ces deux derniers ne peuvent être que des actes de volonté. Or, à ce que j'e sache, ni Afric'Art ni BendirMan ne voulaient "annuler" le concert. Il s'agit donc bien d'interdiction, de censure.
Pourtant, au niveau du discours officiel, tout laissait entrevoir une certaine "aptitude" ou "volonté" d'ouverture après les élections. Les journaux -plus monarchistes que le roi- continuent de parler sans cesse, jour aprés jour, et jusqu'à aujourd'hui, de "volonté de renouveau chez les rcdistes", de "nouveaux courants rénovateurs", etc.. Le dernier discours présidentiel, digne d'un Che de liberté, ne cessait de haranguer et demander plus de liberté d'expression et plus d'audace. On y lit notamment " Nous réaffirmons aujourd'hui qu'il n'existe en Tunisie aucun tabou ni interdit et que les médias tunisiens peuvent traiter tous les dossiers et toutes les questions sans aucune forme de censure autre que celle que leur impose leur conscience, dans le cadre du respect de la loi et de l'éthique professionnelle. " . Je tiens à rappeler que le passage entre guillemets a été énoncé par un haut responsable (le plus haut, normalement), le 03-05-2010, et que c'est toujours de la même Tunisie qu'il s'agit. Qui est ciblé par l'affirmation en question dans ce passage?? Tout laisse dire que ce sont des personnes physiques ou morales, journalistes ou autres, qui font de l'opinion et de l'avi un métier, ou une passion. Je rajoute ce passage du même discours : " Nous réaffirmons la nécessité de faire preuve de crédibilité dans le traitement des différentes questions qui intéressent l'opinion publique, de manière à renforcer le dialogue et le consensus, à exprimer les besoins essentiels de notre société et à défendre ses intérêts vitaux." . La crédibilité dans le traitement des différentes questions, n'implique pas la multiplicité de traitements?? Or, les blogueurs et sites d'information, ne sont ils pas parmi ceux les plus concernés par le traitement des "différentes question qui intéressent l'opinion publique"???. Ce joyau est accessible ici, en totalité. Pour faire preuve de responsabilité et de "respect de la loi et de l'éthique professionnelle" , je n'invite personne à en rigoler, et je conseille chacun de s'endormir directement après lecture, pour ne pas avoir à regarder et comparer le discours avec sa réalité appliquée.
En fait, même sans audace, on est censurable, et ceci que ce soit sur le web, ou non. L'interdiction provocatrice du concert de BendirMan peut en fait être vue en tant que message, un "Ta gueule connard" adressé à l'ensemble de jeunes qui voulaient entendre cet "exprimeur" (lui même se traitant de non-musicien). Dans notre pays, nous avons un monde "virtuel" qui a la particularité de ne pas être si "virtuel" que son nom laisse voir. Le web tunisien ressemble trop à la rue tunisienne : policier à chaque rondpoint, des emplacements "inaccessibles" ou juste "interdits d'accés", la moitié du pays est "non-photographiable" [d'ou peut etre la censure de flickr], jeunes hais dénigrés et montrés du doigt, les louches qui "signalent" les gens pour cause de "délit de pensée" ...
L'ouverture promise n'aura donc pas lieu. C'est soit ceci, soit il y a quelquechose qui nous échappe. A la fois le "tagueulisme" distribué par ci par là, arbitrairement, qui en est arrivé à frapper des rcdistes du net, plus qu'une fois , d'une part, et d'une part l'escalade "parolière" à propos d'ouverture et de "prémisses de changement dans le changement", continuent à élargir le paradoxe. La première explication, assez intuitive, est qu'il s'agit d'une nouvelle page de la "schizophrénie systématique et annoncée" du Système en place. Il s'agirait bien de "folie arbitraire habituelle" apparait il. Je persiste à douter que cet "arbitraire" soit vraiment arbitraire. Outre les explications relatives aux dernières élections municipales, et une tactique de "retirer l'attention ailleurs", quelques trucs significatifs ne cessent de se présenter à mes yeux. Des sites outrefois censurés, tels http://www.islamweb.net ou http://www.alarabiya.net , deviennent accessibles d'un jour au lendemain, entre temps. Les pages Fb, clairement extrémistes, virant à droite, sont elles aussi, soit débloquées soit tout simplement ignorés. Al safa7ate elmachbouha, freemaghreb.com , touness salafiyya, le groupe anti-juif en tunisie , dhedd el3ara2 (?? o.O ) , groupe pro-7ijab , groupe pro-niqab et j'en passe de plus dangereux, sont toujours accessibles, et le resteront, au temps ou un groupe d'aspect "libéral", ou même juste "ami d'un journal d'opposition" est censuré. En fait, ce que l'on a omis de remarquer dans cette vague de censure, c'est que pour la première fois, ça ne touche ni de loin ni de prés aux islamistes!!! Ce qui est quand même une première ...
J'en comprends que , il y a bien un message d'ouverture, une ouverture vers la droite. Le garant de ce message d'ouverture?? La vague dernière de censure. Le discours, comme d'habitude, porte une part de vérité. N'étant pas parmi les cibles de ce message, on n'est pas arrivé à le voir de première heure. Apparemment, une Tunisie misogyne, chauviniste, plus islamisée est la bienvenue. Et le système passe le message vers les sympathisants acquis par des années d'influence pétro-fatwa-dollar, qu'il est ouvert à eux, et qu'ils n'ont pas à tourner la tête vers les islamistes. Et le message passe bel et bien, il suffit de regarder les réactions aux censures, sur les pages Flitox et connexes.
La vague peut connaitre quelques hauts et bas, des sites seront réouverts, tandisque d'autres viennent juste de disparaitre du net tunisien, sauf action bien préparée et bien pensée. Je n'arrête de croire que ma Tunisie, vaut encore plus d'efforts de ma part, de notre part à tous. J'en connais plus qu'un qui le croit. J'en connais spécialement trois qui ne réculent devant rien, pour défendre notre Tunisie, telle qu'elle devrait être : ouverte, sans censure quelconque, sauf celle qu'on s'impose par conviction personnelle. Je salue le courage et la perspicacité de ces trois personnes, qui refusent tout simplement de désespérer. BendirMan , Slim Amamou et Yassine Ayyari, mes amis, c'est à nous de dessiner les contours de notre pays, nous n'en avons pas d'autre.