vendredi 31 décembre 2010

طريحة أخرى و تعدات

صاحبي قدامي كلا الخبط ، هابط عليه خيطين م السما ، بين 4 رجال و مسمين رواحهم رجال ، و احنا بحذاه محصورين ، كل واحد فينا يستنى في دورو وقتاش يجي. في بلادي و مانيش في بلادي. آش عمللكم وائل؟؟ على خاطرو يمشي في الشارع؟؟ آش عندو قال؟ شطر مخو ما تكسابوهش بكلكم في قالب بعضكم ، كان جات الدنيا دنيا راهو هو ينيك فيكم بالكف. زايد مع الطحانة. وائل هو اللي يخلص فيكم يا كلاب، بوه ، امو ، خوه، هوما اللي يدفعو في الضرايب اللي يجيكم منها الخلاص. بلادنا هاذي ، رزقنا ، كان نحنا الشباب ما عناش فيها حق ، شكون عندو فيها حق؟؟ و هاكم ضربتو وائل ، و هاكم حصرتوني و فتقتوني من بعضي لوين نسيت الفرق بين السما و الأرض، فيبالكم غلبتونا؟؟ فيبالكم ضرب و بونية الحكاية؟؟ بصحتكم، كيف الجبناء الكل تحصرو فينا 10 كونتر 3 و 5 كونتر 1 ، كاني بونية الحكاية ، قادرين نحنا زادة نتكتلو و نفتقوكم من بعضكم. أما ماهيش لوجيك رجال. و كان انتوما طحانة ، نحنا رجال. تفكرو نهار السبت و نهار لثنين في بطحة محمد علي. اللي يعارك، يعارك راس لراس، و اللي تحصر وسطنا خرجناه من غير ما يمسو حد، وجهو اصفر و خراه بين ساقيه بالرعب. للبارح الصباح ، في بالي أولاد بلاد وحدة ، و اللي لواحد فيكم غير يخدم في خدمتو. م اليوم ماكمش ولاد بلادي. انتوما اللي فرضتوها علينا الحالة هاذي. م اليوم انتوما في واد و احنا في واد. و رحمة جدي في قبرو ، اللي نحصر ربو منكم، و الله لوما نفتقو من بعضو. و حق مرايات وائل اللي نطرتوها، و حق دمي اللي سال، لوما ترجعلكم واحد واحد. جربناكم قبل ، و اللي يحصل وحدو من غير زي تبدا خناينو على برة، يا كمشة جهال. تحبوها حرب؟؟ توا تاخذوها حرب ، بكل حزم ، بكل حزم.
في بالكم خريتو فيه كي ضربتو؟؟؟ في بالكم باش نسكر جلغتي و نخاف؟؟؟ نيك أمها كي نكون وحدي في ها البلاد ... نسكت؟؟ نسكت العصبة يا حنش يا طحان. ماهي إلا طريحة أخرى و تعدات ...

6 commentaires:

  1. nik ommha tri7a w tet3adda ... ama houma elli yfarftou kel héycha elli tetbarbes w ettalla3 ferrou7 ...

    RépondreSupprimer
  2. Normaaaaaaaaal ! kima 9olt ken le7keya te9ef 3la edharb. Rana hazzineha men hekel 3am !
    Tt mon soutien !
    Thameur M

    RépondreSupprimer
  3. C'est ainsi que l'on peut assimiler les forces de police aux troupes d'occupations françaises du siècles derniers. Si l'on applique le vieil adage du "on ne juge un homme que par ses actes" on peut avancer les flics tunisiens n'ont rien de Tunisiens vu comment ils se comportent avec nous ( et quand je dis nous c'est aussi bien les paysans de la région de sidi bouzid que les syndicalistes que les avocats dans les grandes villes). All cops are bastards..

    RépondreSupprimer
  4. تحية و كل التقدير و المساندة للّي كلاو الطرايح في هذه المظاهرات و الإعتصامات.
    الطرايح هاذي تقوي كيف ما تقتلش, و هذا النص دليل على ذلك

    RépondreSupprimer
  5. je suis fière de vous mes frères tunisiens.

    RépondreSupprimer