mercredi 14 septembre 2011

Déclaration de principes : mon SMIG

عندي توا حكاية عشرة نهارات قلت إلي مانيش بش نترشح ، الشي إلي قلتو وعاودتو أكثر من مرة ، أما على ما كثرت الإتصالات من الأصحاب وأطراف أخرى ، بيناتهم عباد يعلم ربي قداش شاهي نعطيهم صرفاق ، وليت سكرت التليفون وفصعت لقليبية جمعة حتى تهدى الأمور . في نفس الوقت تعهدت إلي بش نسخر مجهوداتي الكل ، وإلي نقدر عليه الكل لدعم القوائم المستقلة ذات الطابع الثوري ، وإلي العديد منها إلي خلطو ترشحو ، تعاملت معاهم ، مع بعض الأصدقاء ، قبل ما يقدمو قايماتهم. ونزيد نأكد أكثر على الإلتزام إلي عملتو ، وأي مساج ولا تليفون ولا أي نوع إتصال من قائمة مستقلة ، كونو متأكدين إلي بش تلقاوني بالوقت جاي نجري . أما ، بالطبيعة ، كيما يقول المثل "ما فماش قطوس يصطاد لربي " ، ورغم إلي رسميا مانيش قطوس ، إلا أني زادة ما نصطادش لربي ، خصوصا وانو مش كل واحد يدعي الإستقلالية مستقل ، ومش المستقلين الكل كيف كيف ، مثال ها السيد بدر الدين الهمادي ، مستقل مختص في فكر بن علي. كمواطن ، قبل كل شي ، عارض كمية م المجهود ، عندي علاش نصطاد ، وعندي حاجات طالب نلقاها م القايمات ، تخليني نختار اماهي إلي نساندها . وبش أي واحد يتبعني ع الإنترنات يفهم علاش برتاجيت ولا حكيت ولا ساندت القايمة الفلانية ، أهوما الحاجات إلي ندافع عليهم أوليا ، وندافع على أي قايمة تتفق مع الأرضية هذي ، إلي نعتبرها مجرد سميغ للثورة في تونس.
الساعة قبل ما نحكي ع المبادئ وغيرو ، فما مجموعة معايير اقصائية ، كان تتوفر فيها وحدة في عضو في قايمة ما نساندهاش ، إلي هي :
- تجمعي طحان ، سابق أو لاحق
- مساند لمشروع ذا طابع فاشي
- قابل للتحالف مع الرجعيين بجميع انواعهم (والماضي السياسي عندو دخل في المعيار هذا ، إلي تحالف البارح ، شي ما يمنعو يرجع يتحالف غدوة )
- مرتبط بلوبيات إقتصادية / طبقية
- صاحب موقف علني ضد القصبة 1 و-2 ، وما عملش نقد ذاتي (وهذا في إعتباري معيار محدد لتناقض ثوري / غير ثوري)

نتعدى توا للنقاط المبدئية  والسياسية ، إلي مش بالسيف تبدا متواجدة في الخطاب الإنتخابي مباشرة ، أما في تقديري لازم يبدا فما قناعة ومعرفة وعزم على الدفاع على النقاط هذي في حالة الوصول للمجلس التأسيسي :
- العمل على إرساء دولة الرعاية الإجتماعية (مجانية الصحة والتعليم والمرافق ، دولة تهتم بالمواطن مباشرة وتعتبرو السيد الأكبر والعامل الأهم )
- تأكيد وتفعيل المساواة التامة بين المواطنين مهما كان جنسهم أو دينهم أو غيرو
- المحاسبة الراديكالية والعمل على إرساء قضاء إستثنائي يحاسب ع النتائج وينظف البلاد من أهم رواسب عهد السراق ، ويطوع السلطة التنفيذية لتنفيذ قراراتو
- الدفاع عن الحق الشخصي لكل مواطن في التصرف بجسده ما لم يضر بغيره
- العمل على إرساء الديمقراطية المحلية (كل المسؤولين يكونو منتخبين م العمدة للوالي وما عادش يخضعو لسلطة وزارة الداخلية ) وتعزيز الطابع المباشر والتشاركي للديمقراطية بتفعيل وضمان المراقبة المواطنية
 (معناتها السيد المنتخب مش يعمل على كيفو ويخرى فيه كيما يحب ، المواطن ينجم ينطر المسؤول عن طريق ميكانيسمات مؤسساتية ولا غيرها إذا ما قامش المسؤول بواجبو ) 
- سرعة إنعقاد الجلسة الأولى ، ثم دورية جلسات المجلس وعلنيتها
- تفعيل الدور السياسي المباشر للمجلس وعلويتو ع السلطة التنفيذية بشكلها القديم
- العمل على إصلاح جذري للتربية والتعليم والتعليم العالي
- العمل على تشكيل لجنة دولية لإعادة النظر في الديون المتخلدة بذمة بن علي والمقيدة على حساب التوانسة ، وتحديد مسؤلية البنك الدولي وصندوق النقد الدولي في دعم بن علي ماليا ، رغم معرفتهم انو سارق وياكل في فلوس المشاريع ، هو والمقاولين إلي تحت الجماعة المشهورة
- العمل على إرساء نسبة مينيموم إنتفاع لكل جهة بمواردها ، 30% مثلاً
- العمل على الإعتراف بالحق الكامل الغير قابل للتجزيء لكل مواطن انو يتحصل ع المعلومة والمعرفة ومجانيتها وحرية المعلومات وحرمتها الشخصية (انترنات)
- تفعيل مبدأ الحق في العمل الكريم ، مش عمل العبيد وتشديد تجريم التجاوزات في هذا الميدان ، وفرض إحترام حقوق العامل التونسي على المستثمر الأجنبي ولا التونسي
هاذوما بالنسبة لي شخصياً السميغ ، إلي نشوفو يدافع عليه مباشرة وإلا قابل يدافع ويخدم عليه ، مستعد نمدلو عيني كان لزم بش نعاونو.
أهوكا لا نحكي على مشانق ، لا مولوتوف ، لا تأميم ، ولا قضاء على منظومة الدولة (ولو أني مقتنع معرفياً إلي هاذاك اللازم ، وإلي منظومة الدولة تخلبيزة ما يجي منها كان القمع والإستغلال وتدريع الخواطر ... أما الله غالب وبرى )

26 commentaires:

  1. امالا عجبتك الفكرة هذي
    http://afkar.tn/idees/140/une-federation-socialiste-une-alternative-pour-le-soutien-des-regions ؟

    RépondreSupprimer
  2. Je ne lis pas ce qui est publié chez Afkar :) ils sont loin de ce SMIG :) :)

    RépondreSupprimer
  3. l'Union populaire républicaine (UPR) (de Lotfi Mraihi)(www.upr.tn) présentera son programme demain à l'Africa à 11h. Voyons si çà entre dans ton SMIG :)

    RépondreSupprimer
  4. Ce commentaire a été supprimé par l'auteur.

    RépondreSupprimer
  5. D'ailleurs, à titre personnel, je partage vivement tous les principes prévus dans ta note.

    RépondreSupprimer
  6. Ils sont déjà OUT :) ce SMIG est pour les listes indépendantes :) :) , et même à part celà l'UPR défendera-t-il le droit de chacun à disposer de son propre corps (consommation de zatla inclue)??? :)

    RépondreSupprimer
  7. @Hsn : désolé pour l'agressivité primaire. Les idées mentionnés dans le lien que tu m'as passé sont TRES intéressantes.

    RépondreSupprimer
  8. Aziz pour les mecanismes qui peuvent destituer un responsable en cas de défaillance j'aimerai savoir y'a-t-il une liste indépendante ou un parti qui adopte l'idée des référendum destituant tel que dans la constitution venezuelienne ou swisse

    l'exemple venezuelien est de loin le plus interessant il stipule que tout responsable (meme le president) élue ou non peut voir la revocation de son mandat sujette a un vote une fois la moitié de son mandat dépassé si 10% des électeurs de sa circonscription signe une pétition dans ce sens
    meme que pour certain tel que les gouverneur il peuvent etre révoquer si 25% des électeurs sont pour sa révoquation dans le referendum

    et meme les lis adopté par le parlement sont sujette a ces referendum si un pourcentage précis demande ce referendum

    c'est trés interessant...

    RépondreSupprimer
  9. @ Azyz: Je ne connais pas encore la position du parti (je vais enquêter). Mais, c'est ma position personnelle.

    RépondreSupprimer
  10. Chacun est libre de disposer de son corps (dont consommation de drogue douce).
    Toutefois, je pense que pour le cas de la Tunisie, en particulier, il vaut mieux taxer les conso' de travaux d'intérêt public ou associatif, parce qu'on a un taux énoooorme d'oisiveté

    RépondreSupprimer
  11. @Souhayeb : Trés intéressante cette conception, Dima El Khatib vivant au Vénézuela m'en a parlé vaguement l'autre fois. Il faut vraiment prendre en considération cette expérience.

    RépondreSupprimer
  12. @aziz Donc personne du moins maintenant en tunisie ne partage cette conception aucun partie ni aucne liste indépendante??

    RépondreSupprimer
  13. @Joy : étant moi même un consommateur , je peux vous assurer que c'est de loin moins dangereux que le tabac ou -pire- l'alcool. ça ne fait pas perdre sa capacité de jugement, au pire elle "coolifie" la personne, c'est tout :)

    RépondreSupprimer
  14. @Souhayeb : non , il y a des listes indépendantes qui soutiennent cette perception (j'en ai partagé les liens sur twitter et fb, et on coordine pour le travail) , à sidi bouzid, à nabeul 2 , à France 1 et France 2, à Tunis 1, Tunis2, Mannouba, Ariana, Gafsa, Siliana, Sfax2 et Gasrine :)

    RépondreSupprimer
  15. :) @ Azyz: j'en sais qq chose :p
    L’oisiveté n'a rien à voir ak la zatla, mais ak les cafés propagés partt. Mon combat à moi, c'est de redonner goût aux jeunes de l'activité, qqconque, sportive (outre que crier dans un stade), artistique, associative.
    çà me déçoit tous ces étudiants qui se réveillent à 17h, pour se rendormir à 5h, assommés devant facebook.

    RépondreSupprimer
  16. En tout cas, cette prise de position ne pourra être effective dans la Constitution que par la reconnaissance des droits fondamentaux éternels et inaliénables de la personne humaine.

    RépondreSupprimer
  17. Je crois que cette résolution est dangereuse,
    العمل على إرساء نسبة مينيموم إنتفاع لكل جهة
    بمواردها ، 30% مثلاً
    elle conduira à long terme à une disparité entre les régions et certaines richesses ne sont pas évaluables (les eaux de oued Medjerda exportées au Cap Bon par exemple.
    yasrayene

    RépondreSupprimer
  18. @aziz la liste d'ariana elle est sous quel nom??

    RépondreSupprimer
  19. @Anonyme
    Quoi faire alors avec Gafsa??? Bassin minier par exemple ah!!

    RépondreSupprimer
  20. برجولية و انا نقرا في لى كونديسيون اللي حاتتهم البلوق هذا بش يساند القائمة متع فولان ولا فلتان وهيقت و قلت ما دام السيد حاتط شروط مساندة مادام يفعل السيد هذا زعمة اشكون يطلع؟ و امبعد اسألت نفسي و قلت يطلعش اوباما تعلم و ولا يكتب بالعربي كي جيت انشوف و انثبت في اشكون هل الجعببوا الي يحط و يلبز على بعضو في التحديات و الشروط طلع سي عمامى لا شسموا ههههههه ياولا دينيا قحبة فيق نيك ياسي عزوز قالو شروط المساندة والجريان تقول بش تصب معاه الدالة فيق نم:)

    RépondreSupprimer
  21. @Anon : faye9 , w men 7a99i ka mouwaten notleb des principes :) w eyh nsobb m3ah fel dalla

    RépondreSupprimer
  22. ya sidi ena el commentaire imte3i si Azyz ken limite limite iklem zayed ou saben , ou inti hak itla3t class ou ma sabitnich kima ya3mlou barcha ikbabla ou isibou la3bed ki ijiw yetdayfou bahdehom , aya sidi hak itla3t itfol behi meme si el itrabrib imte3ik ikarazni barcha ema nik omha manich im3aress bik ena et puis bon courage ya kouya ki itla3t rajel :)

    RépondreSupprimer
  23. @Anon : ya 5ouya a7na na7kiw, w klamek brjouliya en grande partie logique, 3all owwel ki ta9ra on dirait ja3babba , et c'est ma9soud , 5ater chaque citoyen karou ykoun ja3babba :) w 5ouya mar7bé bik elblog bloguek :D
    pr eltrabrib ... taw enna99ess :/

    RépondreSupprimer
  24. Difficile per me !!! non ho capito nullllllla !

    RépondreSupprimer
  25. Azyz, tu pourrais écrire une version française de ton texte stp.

    Isidore

    RépondreSupprimer
  26. oui, Azyz brabi mets nous un petit résumé en Français stp

    RépondreSupprimer